![](https://blogger.googleusercontent.com/img/b/R29vZ2xl/AVvXsEglql_eWAuVTStVH9O6uC3fmFCzxD6JMwukmqTbL87Ln_LR_aCsR6JKRGa_slsISEkHqB4fzGly4qAU8csfm9spEXblD_SKXjcWDWAlpSpPoXKibrRUoo1PiY4yZVgoQVUd7qLW/s320/as%C3%ADa1+185a.jpg)
Þegar við höfðum klöngrast á okkar dramatíska hátt yfir Thorung La, 5416 m háa fjallaskarðið, komum við í lok dags að Muktinath. Muktinath er einn heilagasti staður bæði búddista og hindúa og margir fara þangað í pílagrímsferð, ganga jafnvel alla leið frá Indlandi. Þarna eru ótalmörg hof, tvær sundlaugar með ísköldu, heilögu vatni og röð af eins konar sturtum með heilögu vatni, raðað í hálfhring. Þeir sem baða sig í heilaga vatninu byrja þá á því að ganga hálfhringinn og þvo sér uppúr hverri bunu og hoppa svo útí fyrri laugina og þá í þá seinni. Ískalt vatn í ískulda. Brrr. Í Muktinath má finna öll frumefnin, þar er uppsprettulind sem og náttúrulegt gas sem gýs uppúr lítilli holu og kveikir eld og er það helsta ástæða heilagleika þessa staðar.
![](https://blogger.googleusercontent.com/img/b/R29vZ2xl/AVvXsEgL6dwxLR84k_BdSh_6qb9iQ0gVgc3uq9ok2e4Z7t5DAjYq_giBGzA3Vpq3H9O8gcMP4klxHyhTzVgM4f10uUThyh6AMEg9aiDUhKJ2Xf343SEErStT8LTia5r6osqZ6C0wfODJ/s320/as%C3%ADa1+190.jpg)
Tveir kallar á leið útúr hindú hofi fyrir Vishnu. Þar sem við erum skítugir ekki hindú-trúar útlendingar máttum við ekki fara þarna inn. Þetta á samt að vera rosa fínt. Eitt elsta Vishnu hofið.
![](https://blogger.googleusercontent.com/img/b/R29vZ2xl/AVvXsEgmD2eYxZYUzYWStFsBeW2RF9bcvVGpCuy7fw8ceTgxW-xYOrTtmlHdoFY5XN2LJxVQaldc3UQBwl_aeFIZO90Q9b2RgAFxZphjmGnKJTj0YQhHgyVymvp3e2tiHP89CVlOClb9/s320/as%C3%ADa1+203a.jpg)
Nokkrar konur í fallegum rauðum baðfötum að gera sig tilbúnar fyrir heilaga dýfu. Ji ég dáist að hraustleika þessa fólks. Reyndar var þarna óvenju hátt hlutfall af kvefuðu hóstandi fólki. Hmmm..
![](https://blogger.googleusercontent.com/img/b/R29vZ2xl/AVvXsEjAN41iSsGblECLA23e0faUdtwNgJEyGusarGbmz5_QrM8n93G2KaBSmFfs1tb8P3ZvxtAUw6Ab9ypW0cyfrDJl4icNTnHvCHnOd6mFnRNmTOfS0vZTCYnGhBQVuagO174tE7EC/s320/as%C3%ADa1+210.jpg)
Fallegir Shiva hindúar kyrjandi í morgun- sárið
![](https://blogger.googleusercontent.com/img/b/R29vZ2xl/AVvXsEiMofDF9M257n296dT5Qa_W9utbBx-tPLstP-PDtjg2LOLEUMCxofqh6461D4rxbsMw0EINE2W5wpcAtXdRVRfHJIw8AytadrMiWtEjHLKIiJHpb9E9eWfqfAd9ARaJNq7nPfiy/s320/as%C3%ADaaaa.jpg)
Smá marin ...haha ... byrjunareinkennin. Hér sést samt ekki fallega og litríka landakortslíka marið sem náði yfir allan rassinn og niður eftir lærunum. Synd og skömm.
1 Comments:
Fekkstu lika spelkur a kjalkana?
xxx Erla :)
Skrifa ummæli
<< Home