hahh! Sólveig sagði að ef ég mundi blogga fengi ég gjöf. Trúi henni samt eiginlega ekki. Ég held að þetta sé af því hana langar til að leggja sig. En samviskunnar vegna getur hún ekki lagt sig ef hún veit af mér læra í næsta herbergi. Svo hún býr til einhvern leik svo að ég eyði frekar tímanum mínum í að blogga heldur en að lesa um herpesveirur. Og ef ég veit þetta, af hverju er ég þá að blogga? Sjúkleg forvitni mín hefur varla farið framhjá neinum sem ég þekki...svo að þar hafið þið svarið. Hvað ef, hún er ekki bara að plata svo hún geti lagt sig samviksusamlega. Hvað ef það er í alvörunni gjöf!?! Þá langar mig að vita hver hún er. Annars veit ég að Sólveigu finnst stundum fyndið að ljúga að mér. Henni finnst líka stundum fyndið að finna upp sannleika. Eins og til dæmis var hún búin að sannfæra mig um að það væri í alvöru búið að eitra fyrir öllu sætu kanínunum fyrir utan gluggana okkar, þar sem við vorum ekki búnar að sjá þær í nokkra daga (ég sem var ekki einu sinni búin að líta útum gluggann frekar lengi þegar ég gleypti við þessum "sannleika"). En viti menn, áðan leit ég útum gluggan og hér hafiði sönnunargögn. Svíar eru ekki svo vondir. Kannski eru hins vegar Grikkirnir í húsinu búnir að veiða eitthvað af kanínunum í matinn, ég veit þeir eru að reyna að spara pening. Horfa líka girndaraugum á sniglana sem klessast á göngustígunum alla leiðina í skólann. Svona álíka og ormaklessurnar heima á haustin. Nema það heyrast brak og brestir ef maður stígur ofaná snigil. Svo eru sumir þeirra svo feitir að maður dytti ábyggilega á hausinn ef maður stigi ofan á þá.

Annars er haustið að hreiðra um sig hér í Stokkhólmi. Nú er akkúrat passlegt hitastig til að ganga í skólann í síðermabol og joggingpeysu. Ahh. Huggulegt. Bráðum færist þetta eflaust yfir í ullarpeysufíling og virðist tímasetningin á því að fara heim til að ná í úlpu frekar góð. Ahh. Elska að vefja mig í mörg lög af fötum.. mmm.. Ég sé smá haustliti útum gluggann minn. Hlakka til þegar þeir verða meiri. Haustlitir eru svo fallegir. Vonandi getur maður notið þeirra aðeins lengur hér heldur en í nokkurra daga haustinu heima. Játs. Jæja. Herpesveirurnar kalla hástöfum, og það sama gerir kaffið og súkkkulaðið. Mmmm. Bið kærlega að heilsa ykkur öllum saman :) Ást og friður!