Svona var ég á svipinn rétt áður en ég sveif um í kláf hangandi á bláþræði þvert yfir Barcelona. Svona er ég á svipinn núna líka. Reality check! Earth calling Inga Lára!!! Microbiologiuáfanginn er ekkert djók. Nei heldur betur ekki. Sem er gjörsamlega úr takt við allt námsefni sem við höfum fengið í hendurnar frá kennurunum, í ósamræmi við fyrirlestra og seminör. Jáhh og ja hérna hér. Ótrúlega fínt að komast að þessu viku fyrir próf. Hentugt hjá mér að fatta þetta akkúrat í dag. Sjokkið svífur yfir mér og í tilefni þess ætla ég að lesa í 3 korter í viðbót og fara svo með sólveigu í heimsókn til Armando. Þar ætlum við að horfa á Monster House og borða popp-í-potta-popp. Hér má líka taka fram að áðan eldaði ég svaka grænmetisrétt með eggaldin, súrkíni, gulrótum, smá afgangs búlgarí, appelsínum, falafel, mjólk, ab mjólk, karrí, túrmerík, engifer, hvítlauki, salti og pipar. Armando borðar ekki grænmeti svo við buðum honum í mat og lugum að honum að falafelið væru kjötbollur. Honum fannst þetta bara ágætt en fannst samt bulgariið best (e.k. hrísgrjónadót). Veit ekki hvernig það skal túlkað. Hann varð móðgaður þegar við sögðum honum að það hefði aldrei verið neitt kjöt. Hahahah. Jábbs. Allavega..frá og með morgundeginum og í viku þar eftir verður lærdómurinn tekinn með trukki. Internet úr sambandi. Birgðir keyptar af kaffi. Dökkt súkkulaði. Hljóðeinangrandi búnaður ýmiss konar og námsgögn. Get ekki beðið. Ahhh ahaha..skynjaði einhver kaldhæðnina í þessu. Þessi færsla er fyrir Ylfu og þið getið þakkað henni fyrir. Ég veit allavega að henni þykir grjónagrautur líka góður. Ný vitneskja. Sem ég las. Hér á þessari síðu. Hahh. yfir og út og bless.