hahaha. en hvað ég er eitthvað æst í að blogga bull nú þegar ég hef einsett mér að hefja loksins lærdómstörn í miðri afslöppuninni. Þetta er ótrúlegt. Inni sit ég en úti spjallar sólin við dýr og menn. Ég gæti farið og tekið þátt í samræðunum. Talað um heimsmálin við litlu sætu hestana hérna niður frá, spjallað um skólann við geiturnar við hliðina á litlu sætu hestunum eða velt mér uppúr skít með svínunum og rætt launamisrétti kynjanna. Nú eða farið ofan í saumana á gangtegundum með stóru, gljáandi hestunum í reiðskólanum hérna aðeins inn með rómantísku gönguleiðinni meðfram strandlengjunni.
Vissuði annars að nú þegar eru stjórnarskipti á þinginu verða fráfarandi ráðherrar á launaskrá í eitt ár í viðbót! Og ef þeir finna sér aðra vinnu, sem er ekki jafn vel borguð og ráðherrastaðan fá þeir greiddan muninn! Þetta finnst mér merkilegt. Held að áætlaður kostnaður við þetta sé um 1 milljarður króna á ári.
Jæja. Held ég sleppi þessu dýraspjalli (hmm...vafasamt orðalag) en haldi áfram í húrrandi sýklafræðilesningu. Ást til ykkar allra.
P.s. hef það eftir mjög áreiðanlegum heimildum að Magni sé hættur í Á móti sól og byrjarður í Gus Gus. jájá. Frá honum Sveinbirni sem allt veit.